Watsons – Robinsons Iloilo

Na-budlayan gd ako sa experience ko sa Watsons sa Robinsons Iloilo. Nag-try ako sang tester kay gusto ko tani ma-check antes magbakal. After ko magtry, may naglapit nga saleslady kag nagpamangkot kun ano napangita ko. Hambal ko nga mag-retouch lang ko gamit ang tester, kag wala man siya nag problema.

Pero after 2 minutes, may isa ka blonde nga saleslady nga slightly kulot ang buhok kag taas nga gahod maghambal. Ginpamangkot niya ako kun may permiso ako magamit sang tester, kag daw ginapa-gwa niya nga basi kuno kawaton ko. Hambal ko nga may permiso ko halin sa isa nila ka saleslady, kag gintudlo ko pa kung sin-o ang naghatag sang permiso. Pero, hambal niya nga sa sunod dapat magpa-lisensya gid kay basi kuno madulaan sila. Wala niya man gin-direkta nga gin-akusar ako nga kawatan, pero klaro gid sa tono kag pamatasan niya nga daw amo na ang buot niya ipa-gwa.

Offended gid ko sa ginhambal niya. Pirmi ako naga-bakal sa Watsons, halin sa habon, make-up, skin care, kag iban pa nga produkto. Wala gid ni natabo sa akon before, pero subong daw gin-judge niya gid ako mga testers ara gid para ma-try kag basi may magustuhan pa ang customer, pero kung amo ni ila customer service, daw indi nami kag maka-discourage pa gani.

Gina-recommend ko sa Watsons nga i-train ang ila staff para magka-focus sila sa maayo nga customer service. Indi nila dapat ipa-gwa nga daw ginadudahan ang customer kay maka-offend gid ni. Kay kung amo ni padayonon, madula gid ang trust sang mga loyal customer nila kag maka-apekto pa gid sa reputation sang store.